Софија Милошевиќ остро возврати на нападите на Инстаграм: Сите сме различни и во тоа лежи убавината на светот!
Манекенката Софија Милошевиќ доби критики во коментарите под фотографијата на Инстаграм на која трудна позира во костим за капење.
Софија во опис на фотографијата стави емотикон кит, сакајќи да се пошегува на сметка на својата килажа, но поедини фанови ѝ замерија.
„Софија, описите не ти се духовити, туку праќаш погрешна порака. Ти, слаба личност, себеси се нарекуваш „кит“ затоа што си ставила неколку килограми во бременоста, а девојките што те следат не можат ни да сонуваат да ја достигнат твојата тежина, како треба да се чувствуваат?“, гласел коментарот.
Манекенката набрзо одговори.
„Пишувам како се чувствувам во моментов. Не сум ставила неколку килограми, туку 15. Бременоста е најубавата работа на светот и колку и да уживам во неа, необично ми е што, на пример, тешко се движам. Оваа твоја порака е одраз на тоа како се чувствуваш лично, личност која очигледно не се сака себеси бидејќи не може да го напише своето мислење од својот профил? Прифилната слика ми се чини дека ти е Барбика? Се стремиш кон совршенство? Хм? Зарем тоа не е она за што ме напаѓаш? Луѓето имаат право да имаат вишок килограми, да имаат големи или мали гради, задник. Секој има право на свој живот и на каков начин ќе го води. Сите сме различни и во тоа лежи убавината на светот“, ѝ возврати Софија.
Софија и Лука Јовиќ моментално се наоѓаат на летување во Италија.