Соединетите држави и Германија постигнаа договор за контроверзниот „Северен тек 2“, многу земји се незадоволни
Соединетите држави и Германија постигнаа договор за контроверзниот „Северен тек 2“, што според двете страни ќе ја спречи Русија да го користи проектот како политичка основа над нејзините европски сојузници. Сепак, нивниот договор остави незадоволни многу земји.
Речиси завршениот нов гасовод ќе има капацитет да носи 55 милијарди кубни метри гас годишно во Европа под Балтичкото Море и ќе го удвои извозот на руски гас во Германија.
Договорот беше постигнат по состанокот меѓу американскиот претседател Џо Бајден и германската канцеларка Ангела Меркел.
Договорот наиде на жесток отпор, пред се од Украина, која годишно губи околу 3 милијарди долари како надоместок за транзит на гас, но и од земјите на ЕУ – Полска, Литванија, Естонија и Летонија.