Собраниска седница број 13: Избор на заменици-министри пред пратениците
Собранието за денеска ја најави 13. седница на чиј дневен ред е предлогот за именување на заменици министри во Владата на Република Северна Македонија.
За заменик-министер за одбрана е предложен Башким Хасани, за внатрешни работи – Назим Буши, а за ресорот правда – Агим Нухиу.
Илхан Рахман е предложен за заменик на министерот кој раководи со Министерството за политички систем и односи меѓу заедниците, а Фатмире Исаки за заменик-министер за надворешни работи.
За заменик министер на Фатмир Бесими во Министерството за финансии е предложен Димитар Ковачевски, а во Министерството за економија – Зоран Маневски. Во ресорот земјоделство за заменик е предложен Трајан Димковски, кој претходно ја извршуваше министерската функција во истото Министерство.
Доктор Илир Хасани е предлог за заменик-министер во Министерството за здравство, Арафат Шабани за образование и наука, Енвер Хусејин за труд и социјална политика, Зоран Димитровски за локална самоуправа и Седат Сулејмани во Министерството за култура.
За заменик-министер за информатичко општество и администрација е предложен Александар Бајдевски, во Министерството за транспорт и врски – Беким Реџепи, а во Министерството за животна средина и просторно планирање – Христина Оџаклиеска.