МЗТ Скопје со убедлива победа над Слобода Тузла од 110:88 ја стартува новата сезона, а утре го очекува првиот вистински тест со добро познат противник, Спарс од Сараево. „Металците“ во полуфиналето на плејофот минатата сезона со 2:0 во победи го елиминираа токму Спарс.
Во Спарс му ја препуштаат фаворитската улога на македонскиот шампион.

– МЗТ Скопје во минатото коло покажа каква екипа е, на Слобода и уфрли дури 110 поени што е одлична бројка. Тие се финалисти од минатата сезона и нема потреба да се зборува за нив. Тоа што јас го очекувам од играчите е да покажат се што не покажаа во првото коло во првото коло кога загубивме од Рогашка. Сигурно е дека за една вечер не заборавивме да играме кошарка бидејќи бевме одлични на подготовките – изјави Горан Шеховац, тренерот на Спарс.