2 C
Скопје

Со владина одлука, се реорганизираат прилепските здравствени институции во едно

Со одлука на Владата, и официјално почна реорганизацијата на јавните здравствени институции во Прилеп.

Според Драган Богојески досегашниот директор на прилепската градска болница „Борка Талески”, сега назначен за вршител на должноста, директор на Општа болница со проширена дејност, во една установа ќе се спојат: Болницата, Здравствениот дом и Итната медицинска помош. Процесот е долготраен и повеќемесечен.

-Во тек се активностите за административно спроведување на таа одлука од Владата со која сега во едно ќе функционираат јавните здравствени установи во Прилеп. Главно, службите во Болницата и во Здравствениот дом остануваат да функционираат. Постепено, како ќе се создаваат приликите, тие служби од Здравствениот дом ќе се инкорпорираат во Болницата. Прво, за да се намали непотребното удвојување на кадарот и на администрацијата и да се намалат просториите во кои ќе се троши енергија, објаснува Богојески.

Прочитајте и...  Државниот Инспекторат за животна средина со кривична пријава за насипување земја и шут во езерото кај Далјан

Службата на Итната медицинска помош од досегашниот стар објект треба да се префрли во рамките на болничката здрага.

-Планот е Итната медицинска помош да се префрли во рамките на Болницата,  да нема препраќање на пациентите од Службата во Ургентното одделение. Имаме идеи и ќе ги спроведуваме овој нареден период, вели Богојески.

Процесот ќе се одвива наредните месеци и ќе се црпат искуствата од други градови каде реорганизацијата е спроведена, како што е во Кавадарци, Гевгелија, во Кочани.

Допрва ќе се разговара помеѓу тимовите на Градската болница и на Здравствениот дом за да се разгледаат состојбите.

Прилепската Болница се справува со зголемување на трошоците, посебно зголемени во пандемијата.

– Болницата има околу 30 милиони денари обврски кои се сметаат занемарливи според податоците за другите Болници. Обврските се релативно мали, посебно се должат на  периодот со Ковид-ситуацијата. Лекувањето е бесплатно, а партиципацијата е сведена на 10-кратно помала, вели Богојески.

Прочитајте и...  Силен земјотрес со 7,3 степени според Рихтер го погоди Нов Зеланд

Инаку, во моментов, во Болницата на трите ковид-одделенија: Инфективното, Очното и Ушното одделение, се лекуваат околу 35 пациенти. Пред еден месец е затворен Ковид-одделот на Гинеколошкото, а деновиве и на Интерното одделение. Ситуацијата со Ковид-19 е стивната во овој период и од прилепската болница се надеваат дека бројот на новозаразени ќе опаѓа.

Поврзани вести

Турција во февруарска офанзива против Даеш и ИСИС приведе 165 осомничени за тероризам

Слободен печат

Израел крои планови како да ги заштити од апсење офицерите од војната во 2014 година

Цунами од потресни снимки од ужасот во Нов Зеланд ги преплави социјалните мрежи

Слободен печат

Повторно ставена во функција модуларната болница во Клиничкиот центар

Слободен печат

Ужасен напад во Црна Гора: Насилници врежаа крст на градите на ЛГБТ лице и му ги повредија гениталиите

Слободен печат

Филипче: Во текот на овој месец ќе почне имунизацијата на населението

Слободен печат

Остави Коментар