Со вакцинирањето Шпанија го избегна моменталниот голем бран на коронавирусот

Шпанија беше меѓу најтешко погодените на почетокот на пандемијата/Фото: EPA-EFE/Jose Manuel Vidal

 Со највисока стапка на вакцинација меѓу големите европски земји, Шпанија е поштедена од новиот бран на инфекција со коронавирус кој се прошири на поголем дел од континентот, но експертите предупредуваат дека земјата сè уште е подложна на вирусот.

Шпанија, земјата која беше меѓу најтешко погодените на почетокот на пандемијата, во моментов има една од најниските стапки на инфекција во Европа – само 63 случаи на 100.000 луѓе во последните 14 дена.

Стапката е 12 пати повисока во Велика Британија и шест пати повисока во Германија и Полска.

Шпанскиот премиер Педро Санчез изјави дека еволуцијата на пандемијата во Шпанија е „позитивна”.

– Имаме повеќе од доволно причини да се чувствуваме горди на она што го постигнавме, додаде тој.

Околу 79 проценти од шпанската популација е целосно вакцинирана, во споредба со само 67 отсто од вакцините во Велика Британија и Германија.

Шпанија особено се издвојува по вакцинацијата на ранливите, постарите возрасни групи.

Повеќе од 99 отсто од Шпанците постари од 70 години се вакцинирани со двете дози.

Во Шпанија нема двоумење за вакцината, програмата за вакцинација беше правилно спроведена по возрасни групи, почнувајќи од најстарите и донесе добри резултати, рече Инаки Комас, истражувач во Биомедицинскиот институт во Валенсија.

Умерената клима во Шпанија, исто така, помогна да се спречи ширењето на вирусот бидејќи луѓето можат да се собираат на отворено.

И додека ограничувањата за бројот на присутни на собири се укинати, маските за лице сè уште се потребни на затворени јавни места.

Но, експертите предупредуваат дека со доаѓањето на постудено време, со опаѓање на заштитата што ја обезбедува вакцината со текот на времето и со новите варијанти што полесно се шират, стапката на зарази веројатно ќе се зголеми.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот