Во Македонија стана правило да се рече дека нема работници. Втората дилема е дали се квалитетни. Третата неизвесност е дали нашите работици ќе можат да бидат конкурентни на европскиот пазар на работна сила. Сертифицирање на работници кои работат во градежниот сектор, а кои имаат познавање за енергетска ефикасност, на оваа тема во „Утрински брифинг“ на „Слободна ТВ“ говори универзитетскиот професор, Христина Спасевска.

-Следејќи ги заложбите дека треба да постигнеме норми за енергетска ефикасност се зафативме со еден голем проект финасиран од ЕК дека во Македонија ќе ги направиме видливи оние работници кои во текот на своето работење работат објекти кои се енергетски иефикасни. Сертифицирањето содржи неколку категории. Може да се направи преку обуки, преку препознавање на знаења и вештини. Реално е дека градежниот сектор се развива- изјави во Утрински брифинг, универзитетскиот професор Христина Спасевска.