Со рекорден број на гласови Тасулас избран за нов претседател на грчкиот Парламент
Утрово со рекорден број на гласови, вкупно 283 од 298, Константинос Тасулас, кандидатот од Нова демократија е избран за нов претседател на Парламентот во Грција.
Пратеничките групи на Нова демократија, СИРИЗА, Движење на промена, Грчко решение и МЕРА25 гласаа „за“ изборот на Тасулас, а 15 пратеници од Комунистичката партија беа воздржани.
Денешната мнозинска поддршка за единствениот кандидат од владејачката Нова демократија е рекорд за грчкиот Парламент.
Во 2015 година, тогашната пратеничка на СИРИЗА, Зои Константопулу, беше избрана за претседателка на Парламентот со 235 позитивни гласа.