Со „Охис“ до Оскар

Сцена 1

Екстериер. Скопје. Ноќ.

 

Камион-цистерна се движи по широк градски булевар. Одозгора гледаме дека камионот се движи лево-десно помеѓу лентите како нешто да не е во ред.

СПИКЕР: Во тие последни шеесетина секунди пред големата несреќа, возачот на камионот воопшто не се чувствувал добро. Сакал само да стигне до блиската бензинска пумпа и да отпочине додека се испразни цистерната со високо-октански бензин која ја влечел. Во еден момент, од брзање направил погрешно свртување.

Сцена1 (продолжува)

Камионот нагло врти десно на една раскрсница и влегува во фабрички круг. Се обидува да маневрира по тесните улички. Гледаме како со задното тркало закачува друга цистерна. Таа се превртува, гледаме како сјајната течност го разјадува асфалтот. Камионот се упатува кон нешто што личи на излез, но тоа е затворена врата, се обидува да кочи, но ја пробива вратата. Цистерната се забива во куп големи пластични буриња. Бурињата се сини, со големи опасни налепници на нив. Забавено гледаме како дел од бурињата летаат во воздух, дел од нив се распрскува. Цистерната се забива во ѕид.

Прочитајте и...  Опуштени и отпуштени

Црно.

 

Сцена 2

Екстериер. Клучка кај Миладиновци. Ден.

 

Комбе застанува покрај исклучување од автопат. Снимателот излегува и ја снима таблата покрај автопатот. На горната стрелка пишува: Велес, Гевгелија, Атенс. Стрелката за десно е прецртана со црвен икс и има еден наслов: Забранета зона Скопје.

 

Сцена 3

Екстериер. Кеј на Вардар. Ден.

 

Луѓе во жолти заштитни одела и кациги на главата шетаат покрај кејот кој е зараснат во треви. Сè е празно.

СПИКЕР: „На 10 години од големото труење, и покрај маските, се чувствував како да можам да ги помирисам големите липи што останаа да царуваат во овој простор….“

 

Ако не ви е јасно, вакво сценарио наскоро навистина и може да се сними за нас. „Охис“ е бомба што може да пукне во секој момент и ако како баби продолжиме да се чешламе додека селото ни гори, навистина ќе завршиме во прајм-тајмот на „Национална географија“, во термините наменети за големи несреќи. Можеби „Нетфликс“ или „Ејч-Би-О“ ќе направат и сериозна играна серија за нас, по теркот на Чернобил. Па и Чернобил беше прогласен за „најсигурна“ од сите потенцијални бомби, па пукна. Поради човечка грешка.

Прочитајте и...  Кабинет-парк на лошиот вкус, помеѓу Дрисла и Никаде

Главни ликови во таа некоја идна серија за катастрофата на Охис би биле негативците, односно оние, одговорните за оваа несреќа. Никој нема да го обвинува несреќниот возач. Тој, за жал, ќе остане само една од многуте безимени жртви, ама ќе се запаметат Директорот, Началникот, министрите, шефовите, тајкуните и сите оние што придонеле за една ваква несреќа. Ќе бидат запаметени како креатори на една од најголемите човечки глупости на 21 век. И ќе ги играат непознати актери за да се заборават полесно, а Кијану Ривс ќе го игра локалниот екоактивист кој со години се обидувал да ја спречи несреќата.

А Скопје повторно ќе биде споменик, но за разлика од шеесеитреќата, овојпат ќе биде споменик на неспособноста и глупоста на човекот. Солидарноста на овие простори одамна не постои.

Прочитајте и...  Кабинет-парк на лошиот вкус, помеѓу Дрисла и Никаде

Прочитај повеќе

Опуштени и отпуштени

Жанета Скерлев

Кабинет-парк на лошиот вкус, помеѓу Дрисла и Никаде

Мирослав Грчев

За кафеани протокол има, за училишта нема

Срѓан Ивановиќ

Македонско девојче во Мавританија

Божидар Милјовски

Кратка е патеката од нереалните очекувања до големите разочарувања

Џабир Дерала

Охридскиот рамковен договор треба да е национален празник

Ерол Шакири

Остави Коментар

Прочитај повеќе

Влада за една година

Петар Богојески

Коалиција и уцена

Ивица Челиковиќ

Лажеше гледајќи го в очи „народот свој“

Џабир Дерала

(Мулти)генерациска катастрофа

Златко Теодосиевски

Охридскиот договор им припаѓа на сите, повикот на Ахмети мириса на барут

Џабир Дерала

Паркинг кај „Холидеј ин“ – визија, профитерство и национален интерес

Божидар Милјовски