Со НАТО Македонија ја реши вековната „безбедносна дилема“

Македонија на лидерскиот самит на НАТО во Лондон беше пречекана и дочекана како рамноправна членка на најмоќниот сојуз. Самитот заврши, а наското ќе заврши и ратификацијата на Протоколот во шпанскиот парламент. Протоколот потоа ќе треба да се ратификува во македонското Собрание.

Со тоа повеќе нема да тропаме на портите на НАТО, туку ќе влеземе во куќата на НАТО. Што добиваме, а што треба да испорачаме? Според професорот и поранешен министер за надворешни работи, Денко Малески, државата го реши вековниот безбедносен проблем на Балканот во меѓународната политика познат како „безбедносна дилема“.

– Големата дилема со столетија наназад била што ни подготвува соседот на планот на безбедноста, дали е искрен во намерите за мир или подготвува војна. Сега балканските држави сите сме заедно на иста маса. Како со нашите соседи, така и со големите западни сили. Таа т.н. гаранција за мир е едно огромно достигнување за нашата држава – вели Малески за „Слободен печат“.

Прочитајте и...  Лајен предупредува дека дезинформациите за Ковид-19 се опасни по живот

Поранешниот дипломат оценува дека Македонија за возврат треба да испорача и нешто на адресата на НАТО. А, тоа е доброто поведение во демократијата.

– Се разбира од нас се очекува и да придонесеме нешто со нашето поведение кон јакнење на Алијансата која не е само воен сојуз, туку и политичка организација на држави коишто ги споделуваат вредностите на демократијата. А она што историјта го потврдила е дека демократиите не одат во војна едни против други – вели Малески.

Неодамна и професорот Марјан Ѓуровски зборуваше дека Македонија со членството во НАТО пред се ќе ја зајакне безбедноста и суверенитетот.

– Членството е придобивка, но и обврска. Најважно е Република Македонија да продолжи на својот пат кон реформите за одбранбената адаптација, за домашните реформи, особено владеењето на правото, борбата против организираниот криминал и корупцијата и другите преземени обврски на исполнување на стандардите во Армијата и подобрување на професионалниот и животен стандард на вработените во Армијата. Членството во НАТО не е крај на патувањето за Македонија, туку почеток на нов маратон за Европската Унија – рече Ѓуровски.

Прочитајте и...  На терените на US Open во Њујорк се подига привремена болница

И додека премиерот Зоран Заев вчера на средбата на маргините на Самитот на НАТО доби ветување од шпанскиот премиер Педро Санчез, дека неговата земја наскоро ќе го ратификува Протоколот, домашните политички опозициски субјекти бараат макеоднското Собрание предвреме да го ратификува протоколот за членство во НАТО. Со иницијативата која ја достави до Владата, ВМРО-ДПМНЕ бара во најскоро време до Законодавниот дом да се достави Законот за ратификација на Северно-атланскиот договор и на Пристапниот протокол за членство во НАТО.

– Ваквата постапка е пракса која што во северно-атланската Алијанса е воведена при зачленувањето на Црна Гора во НАТО – велат од ВМРО-ДПМНЕ и додаваат дека со ваквата иницијатива ќе се спречи и најмалата можност да се одложат предвремените парламентарни избори кои се закажани за 12 април.

Прочитајте и...  Спасовски: Да помогнеме на работниците, на работодавачите и на тој начин да си помогнеме и самите на себе

Иницијативата на ВМРО-ДПМНЕ доби поддршка и од Алијансата за Албанциате и од БЕСА. Според власта, пак, лицемерно е однесувањето на опозицијата. Од СДСМ велат се против предвремена ратификација и уште еднаш повторуваат оти се убедени дека шпанскиот парламент ќе успее да го ратификува протоколот навреме.

Прочитај повеќе

Ретките болести заборавени во мерките за заштита од Ковид-19

Се зголемуваат водостоите на реките

МИА Агенција

Здравство: Граѓаните да даваат веродостојни и точни информации во епидемиолошката анкета

МИА Агенција

Бродот со 20 заразени на атинското пристаниште е ставен во карантин

Слободен печат

Филипче: Карантинот, изолацијата и социјалното дистанцирање се мерки кои докажано го забавуваат ширењето на КОВИД-19

Рохани: САД пропуштија историска можност да ги укинат санкциите кон Иран

Слободен печат

Остави Коментар

Прочитај повеќе

Американски носач на авиони има 100 заразени од коронавирус: Ширењето на болеста е во тек и се забрзува

Слободен печат

Универзитетот во Тетово наставно-научниот процес продолжи да го реализира преку онлајн платформа

МИА Агенција

Теменугов: Кризава ќе треба сите сериозно да ја платиме и плаќањето треба да почне од најбогатите

Слободен печат

Состојба со коронавирусот во светот до 10 часот

Слободен печат

Бројот на заразени од коронавирус во Канада порасна на 8.548, починаа 96 лица

Слободен печат

Денеска е 1 април, Денот на шегата: Да направиме една поинаква Априлијада

Слободен печат