Со млади од Македонија и Грција стартува спроведувањето на Преспанскиот договор
Пред стартот на дијалогот „Жан Моне“ во Собранието, спикерот Талат Џафери ќе се сретне со лидерите на двете младински организации, Методија Стојчевски и Бабис Папајоану, кои се иницијатори на младинскиот културен настан како составен дел од акцискиот план за спроведувње на Преспанскиот договор.
И двете организации се заинтересирани да се основаат македонски-грчки канцеларии за младинска соработка, по примерот на француско-германските канцеларии за комуникација меѓу младите од овие земји.
– Ове е прв ваков настан, и е составен дел од акцискиот план за спроведување на Преспанскиот договор. Дополнително е многу важен бидејќи овој процес почнува по инцијатива на самите младински организации, а не од владите на двете држави – велат во Собранието за „Слободен печат“.
Овој процес треба да доведе до формирање на канцеларии за младинска соработка која ќе им биде предложена на владите, во Македонија и во Грција.
Во рамките на овој проект во Македонија заедно се дружат околу 50 до 60 млади луѓе од Грција и околу 150 од цела Македонија.
Двете младински организации меѓусебно соработуваат околу 10 години и до сега работеле на проект насловен како „Контакти за подобра иднина“, преку кој се одвива размена на млади студени и професори меѓу двете држави.