Бујар Османи, Крешник Бектеши, Али Ахмети, беа дел од маските од функционерите на ДУИ, што ги носеа младите од движењето „Беса“ додека сечеа црвена лента на автопатот Скопје – Блаце. Со фотографијата тие упатија порака дека илјадници пати функционерите на ДУИ ветиле, а не реализирале, изградба и пуштање во употреба на автопатот Скопје – Блаце.

– Високи функционери на ДУИ честопати го посетувале ова место, лажејќи нè дека овој пат наскоро ќе биде во функција и ќе ги поврзе Република Северна Македонија и Република Косово. Нивните празни ветувања сега завршуваат, зашто дури и нивните чести лаги се трошат. Ние сме тука иронично да ја пренесеме пораката за неуспесите на функционерите на ДУИ, да ги пресечеме лентите на нивните неуспеси и симболично да го отвориме овој пат кој сè уште не започна да се гради, со цел да се им овозможи на граѓаните слободно да се движат меѓу двете држави – велат од младинскиот форум на движењето „Беса“.

Додаваат дека ДУИ на јавноста ѝ се познати како „субјект на црвена лента” и дека многу ленти се исечени, но не се завршени.

Најавуваат дека ќе ги следат сите, како што велат, неуспеси на ДУИ за да бидат моќно гласило за манипулациите на ДУИ и владата, која што секој ден ја губи довербата кај граѓаните поради неисполнување на изборните ветувања, соопштуваат од „Беса“.