Суперкуп натпреварите за трофејот „Драган Василов Цевка“, во двете конкуренции, машка и женска, ќе се одржат на 25 септември (сабота), 2021 година, во салата на СРЦ „Кале“ во Скопје.

Од 17.00 часот, ќе се игра мечот во женска конкуренција во кој ќе се сретнат екипите на Баскет КАМ од Македонска Каменица и Бадел 1862 од Скопје.

Од 19.30 часот, ќе се игра дуелот кај мажите во кој силите ќе ги одмерат градските ривали МЗТ Скопје Аеродром и Работнички.

Влезот во Спортско рекреативниот центар „Кале“ во Скопје, ќе биде ограничен, односно сите заинтересирани љубители на кошарката ќе мора да покажат документ за вакцинација издаден од надлежните здравствени авторитети во државата.

Исто така, согласно со одлуката на Министерството за Здравство на РСМ, ограничен е и бројот на седишта во салата на 30% од капацитетот, информираат од кошаркарската федерација.