СО АВТОСТОП ОД ЗАГРЕБ ДО БОРА БОРА: По пат ја запознала љубовта на својот живот
Загрепчанката Ана Бакран започнала авантура во 2013 година кога од Загреб, со автостоп тргнала на пат, со цел да стигне до Бора Бора.
За тоа време поминала низ 25 држави, а од почетната точка до крајната цел пристигнала за четири години. Во меѓувреме издала и книга.
Дури по една и пол година сфатила дека на погрешно место чека брод, па потоа ја исправила грешката. Оваа авантура ја променила многу, испробувала различна храна, престанала да се шминка, станала веган и потоа ја запознала љубовта на својот живот, наведува 24Сата.хр.
Сега живее на островот Нуку Хива, заедно со своето момче, во околина сосема поинаква од онаа која дотогаш била навикната.
Ваквото патување било нејзина долгогодишна желба, но храброст собрала дури откако наполнила 31 година, кога се почувствувала физички и финансиски, но и ментално спремна за таков подвиг.