Со 75.000 денари од општинската каса: Поставени пет мерни станици за аерозагадување во Свети Николе
Во Свети Николе се инсталирани пет мерни станици за квалитет на воздухот за ПМ-10 и ПМ 2,5 честици и тоа на зградите на Дом на култура „Крсте Мисирков”, Здравствен дом „Г. Гаврилски”, СОУ „Кочо Рацин”, потоа ООУ „Гоце Делчев” и шелтер центарот кај Агенцијата за вработување, соопшти градоначалникот на Општина Свети Николе, Сашо Велковски.
Податоците и мапите на мерните станици се јавно достапни и се прикажани на мобилната апликација „Мој воздух” (Air care) или на апликацијата.
.
– Со поставување на мерните станици, Општина Свети Николе е меѓу првите во државата каде податоците од аерозагадувањето можат јавно да се следат, вели Велковски.
Во наредните денови, истите податоци ќе бидат достапни и на веб-страницата на Општина Свети Николе.
– На овој начин не само што ќе добиеме податоци за аерозагадувањето, туку ќе можеме да преземаме и конкретни мерки и санкции, како локална самоуправа кон сите оние кои допринесуваат за загадувањето во Свети Николе, рече Велковски.
Тој истакна дека една мерна станица чини 15.000 денари, а средствата за набавката на пет мерни станици се обезбедени од општинскиот буџет.