Шпанските пратеници со огромно мнозинство на гласови денеска ја легализираа еутаназијата во земјата и покрај силното противење на Католичката црква и десетина партии.

Владиниот предлог-закон за еутаназија, што ќе може да се применува под строго контролирани услови, е донесен со 198 гласа „за“, 138 „против“ и два „воздржани“.

Законот за еутаназија догодина ќе мора да мине и во Сенатот.

Предлог-законот наведува дека лице кое страда сериозна и неизлечива болест има право да побара помош при починување, под услов да изгегне неподносливо страдање.

Барањето мора да биде поднесено во писмен облик и повторено по 15 дена. Притоа мора да биде одобрено од двајца лекари по што документот ќе биде проследен пред надлежна комисија.

На здравствените работници кои не сакаат да учествуваат во постапката, ќе им се признае право на приговор на совест. Трошоците за процедурата ќе паднат на товар на државата.