15.8 C
Скопје

Снопче: Нема пречка да се донесе со европско знаменце Законот за државјанство

Собраниската Комисија за одбрана и безбедност со работа ќе продолжи следната недела за да го разгледа Предлог законот за изменување и дополнување на Законот за државјанството на Република Македонија, по скратена постапка, поднесен од пратениците од Алијанса на Албанците (АА) и Алтернатива.

Пратеникот Халил Снопче од АА денеска изјави дека овој закон е многу важен за граѓаните, за елементарните човекови права, итн.

– Ние ќе инсистираме да дадеме уште една шанса. Значи, сигурно следната недела ќе продолжиме со оваа Комисија. Се разбира, ако гледаме навистина, значи има блокади, сигурно ќе одиме на втората варијанта преку европско знаменце. Зошто? Затоа што прво, имаме согласност од страна на Владата и второ, навистина се работи за човекови права и трето, сигурно според сите европски и меѓународни конвенции нема логика да има луѓе без државјанство во ниту една држава, а ние имаме луѓе што се без државјанство, рече Снопче одговарајќи на новинарско прашање.

Овој проблем, како што рече, мора да се реши и според меѓународни стандарди, и смета дека нема пречка да се донесе овој закон со европско знаменце.

– Уште повеќе, сите наши аргументи што сме ги истакнале кога сме ги предложиле овие измени на Законот за државјанство интересно е, се потврдени и во последниот извештај на јавниот правобранител. Значи, како тој да ги употребил истите зборови коишто ние ги употребувавме со аргументацијата дека овој закон треба да се донесе. Значи, уште една потврда од една значајна инстанца која што директно се залага за одбрана на човековите права, појасни Снопче.

Поврзани вести

Рама и Мета ја поздравија одлуката на Холандија за Албанија да почне преговори со ЕУ

Слободен печат

ООН ги поздрави резултатите од средбата меѓу Бајден и Путин

Слободен печат

Шахпаска: Креираме законско решение кое ќе одговори на денешното современо време

Слободен Печат

СДСМ: Опозициската ВМРО-ДПМНЕ се уште е под палка на бегалецот од Будимпешта

Слободен Печат

Подеми и падови во односите на Путин со американските претседатели

Слободен печат

Паника во Рим: Пронајдена бомба во автомобил на три часа пред почетокот на натпреварот Италија – Швајцарија

Слободен печат

Остави Коментар