Ова врнежливо утро во Скопје на кејот на реката Вардар ги немаше рекреативците и велоспедистите кои редовно вежбаат и се движат по уредениот кеј.

Кејот на Вардар, кој пак е со релативно низок водостој овој период, е едно од омилените места на скопјани за одмор, рекреација и разонода.

За кејот на Вардар, неговото зеленило, чистење и уредување се грижат јавните претпријатија „Комунална хигиена“, „Паркови и зеленило“, „Водовод и канализација“ како и „Улици и патишта“ и тоа на целиот потег од реката Лепенец до Аеродром.

Обновата на патеките, зеленилото и замената на осветлувањето Град Скопје ја реализира во соработка со УНДП кои пак помагаат да се постави урбана опрема како што се корпи за отпадоци.

Меѓу посериозните зафати е и чистењето на камените коцки од шеталиштетот на кејот и од нив се вади тревата и насобраниот мил.

Обоен со есенските бои, кејот на Вардар во главниот град во ведрите денови е уште поубав. Погледнете ги снимките со дрон снимени ова врнежливо утро.