Снимката од шпионската афера била пуштена од САД после повеќе од 50 обиди?
Снимката на која се гледа рускиот разузнавач Георгиј Клебан како подмитува српски агент, најверојатно ја пуштила американската служба.
Како што наведува Блиц.рс, имало преку 50 обиди снимката да излезе во јавноста, но руската служба секој ден до денес успешно го запрела тоа.
„Секој од сајтовите кои ја објавиле снимката бил соборен во рекорден рок“, навел изворот на Блиц.рс.
На видео снимката која е поставена на Јутјуб се гледа средбата на два мажи на паркинг во Земун.
Еден од нив има заматено лице за да би му се заштитил идентитетот и за него се тврди дека е српски функционер, а другиот кој му ги дава парите е Георгиј Клебан, потполковник на руската војска, кој бил на позиција на помошник на претставникот за одбрана на руската амбасада во Белград, но од таа позиција бил одјавен во јуни годинава.