Натпреварот од 13 коло во Премиер лигата помеѓу Барнли и Тотенхем кој требаше да се игра денеска е одложен поради снегот кој паѓаше утринава во Англија.

Натпреварот требаше да започне во 15 часот, но и покрај напорите,  луѓето во Барнли не успеаја да го исчистат теренот и да го подготват натпреварот. Причина за тоа е снегот кој паѓа без престан од утринава.

❄️ We can confirm that today’s match against Burnley has been postponed due to adverse weather conditions. pic.twitter.com/8azBGHf3Pl

— Tottenham Hotspur (@SpursOfficial) November 28, 2021

Поради тоа делегатот на Премиер лигата процени дека нема услови да се одигра натпреварот.

Според англиските медиуми, членовите на двете екипи се фрустрирани поради одложувањето, но исто така се свесни дека тоа беше единствено решение.