Снег три дена заробил 60 луѓе во британски паб: Супер ни е и не сакаме да си одиме !

Паб покриен со снег
Луѓе заробени во паб во Британија/ Фото Twitter Screenshot

Повеќе од 60 луѓе останале заробени во британскиот паб во Тан Хил Ин во планинската област Јоркшир Дејлс во петокот навечер.

Имено, хотелот бил покриен со околу три метри снег, а персоналот и гостите три ноќи по ред ги поминале во пабот, отсечени од остатокот од светот поради бурата Арвен.

Многумина спиеле на подот, но и покрај тоа, некои признаа дека не сакаат да си заминат. Нема недостиг од храна и пијалоци, а гостите нашле неколку начини како да се забавуваат,  гледале филмови, правеле квизови и разни игри.

И додека десетици илјади домови во Британија останаа без струја, луѓето од пабот добро се забавуваат.

Многу ни е убаво и сите се расположени. Навистина има добра атмосфера. Стекнавме пријатели, сите сме како големо семејство, тоа е најдобриот начин да се опише што ни се случува, изјави Никола Таунсенд (51), кој се надева дека откако ќе бидат ослободени, сите ќе останат во контакт.

Вчера, пабот организирал традиционален ручек пред гостите и вработените заедно да го украсат барот за Божиќ и да се подготват за караоке вечер.

Во меѓувреме, ископан е тунел на влезната врата на пабот, но околните патишта се уште не се целосно проодни поради скинатите кабли за струја.

Бурата Арвен досега однесе три животи, а ветровите кои дуваат со брзина од 160 километри на час предизвикаа хаос, оштетувајќи згради и прекинаа патишта и железници, оставајќи најмалку 450.000 домови без електрична енергија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот