СМУМ: Фестивалот „Златна лира“ ќе има осум концерти
Фестивалот „Златна лира“, што го организира Сојузот на музичките уметници на Македонија (СМУМ), годинава ќе се одржи од први до 16 октомври со програма која содржи осум концерти во Музејот на македонската борба.
Фестивалот ќе биде отворен со концертот на пијано-дуото Петар Макариевски и Весна Ангелова Христов, а ќе следуваат пијано-дуото Аврамовска – Мариновски, Скопскиот дувачки квинтет, концертите на Билјана Камчева (флејта, сопран) и Ана Гацева (пијано), Даниел Апостолов (фагот) и Катерина Костадиновска (пијано), Момчило Куфојанакис (виолина) и Весна Ангелова Христов (пијано), како и концертот на Борче Наумоски (гитара). Фестивалот ќе биде затворен со доделување на наградите „Златна лира“ на СМУМ и со настап на камерниот оркестар „Профундис“.
(Текстот е објавен во „Културен печат“ број 50, во печатеното издание на „Слободен печат“ на 26-27 септември 2020)