Смртоносна болест од е-цигарите се шири низ САД
Едно лице од САД почина од тешка болест на дишните патишта предизвикана од пушење на е-цигари, јавуваат тамошните здравствени служби, пренесува хрватски Индех.
Експертите ја истражуваат мистериозната болест на белите дробови која се шири во САД, а поврзана е со конзумирање на е-цигари. Центарот за контрола и превенција на болести (CDC) извести дека се појавиле потенцијални 193 случаи во 22 сојузни држави. Во повеќето случаи забележена е и конзумирање на ТХЦ, активна суспстанца од канабис.
Причината за мистериозната болест сѐ уште не е идентификувана, но секој од случаите вклучува користење е-цигари во некој облик. Симптомите на непознатата болест вклучуваат кашлање, отежнато дишење и замор, а во некои случаи повраќење и пролив.
Не е докажана присутност на некоја заразна болест од вирус или бактерија.
Само во сојузната држава Илиноисзабележани се 22 случаја, а возраста на пациентите е од 17 до 38 години. Погодени се 22 сојузни држави, повеќерто од нив во средниот и североисточниот дел на САД, но болеста се појавила и во Калифорнија, Тексас и во Ново Мексико.