Во Основниот кривичен суд во Скопје денеска треба да продолжи судењето за аферата за прислушувањето, познат во јавноста како „Тврдина-Таргет”.

На претходното рочиште свои искази дадоа неколку сведоци, кои зборуваа за поддршката од надвор во системите за следење на комуникации, односно за формирање на Комисијата за поништување на опрема на УБК.

Обвинети во предметот се поранешниот директор на УБК, Сашо Мијалков, поранешната министерка за внатрешни работи, Гордана Јанкулоска и неколку вработени во поранешното УБК кои се товарат за нелегално прислушување на над 4.000 телефонски броеви во периодот меѓу 2008 година и 2015 година.

Судскиот процес го води судијата Џенета Бегтовиќ, додека обвинението е застапувано од обвинителската тројка Трајче Пеливанов, Ленче Ристовска и Артан Ајро.

Судењето по предметот „Таргет-тврдина” е започнато на 22 декември 2017 година и се наоѓа во фаза на доказна постапка.