СЛОВЕНСКИОТ ПРЕМИЕР ПРЕДУПРЕДУВА: Во соседството се буди фашизам
Словенскиот премиер Марјан Шарец денеска предупреди дека во соседството на Словенија повторно се буди „фашизам, нацизам и слични идеи“, а тоа го кажа по повод објавувањето на географски карти во Италија и Унгарија, на кои делови од словенечката територија се прикажани како делови од тие држави.
– Слеп е оној кој не гледа дека нацизмот и фашизмот повторно се раѓаат и во нашето соседство – потенцираше Шарец.
– Повторно се цртаат географски карти и се обновуваат стари традиции, па дури и повици за попис на словенското малцинство во соседните држави, за да имаат што помалку права – вели Шарец.
Тој рече дека Словенија сака добрососедски и пријателски односи со земји сите во светот.
– Сепак не смееме да молчиме кога повторно се раѓаат нацистички, фашистички и слични идеи – заклучи Шарец.
2/3 of the country was taken away https://t.co/ZYKJH78pcm pic.twitter.com/HGngXuvChw
— About Hungary (@abouthungary) June 4, 2019
Словенија порано денеска ја осуди како провокација историската географска карта на Унгарија која вклучува голем дел од Словенија, а која на Твитер ја објави кабинетот за меѓународна комуникација на унгарската влада.