Младата репрезентација на Холандија продолжува да воодушевува со игрите и во големото европско дерби во Хамбург ја совлада Германија со 2:4. Овој триумф претстаувва реванш за поразот од првото коло од квалификациите (2:3).

Германците поведоа преку Гнабри во 9. минута и тој резултат беше активен до втортоо полувреме кога „лалињата“ за седум минути преку Френки де Јонг и автоголот на Таха направија пресврт. Крос донесе израмнување во 73. минута, но победата и трите бодови ги донесоа Мален и Вајналдум во финишот од средбата.

Лидерот во нашата група, Полска го доживеа првиот пораз во квалификациите. Полјаците загубија на гостувањето во Словенија со 2:0 и тоа благодарение на головите на Струна и Спорар.

Убедлив триумф оствари и Хрватска на гостувањето во Словачка, победувајќи со 0:4. Влашиќ, Перишиќ, Петковиќ и Ловрен беа стрелци за Хрватска која по лошиот старт, влегува во победнички ритам.
Герет Бејл е херојот на Велс, постигнувајќи гол во 85 минута за триумф од 2:1 над Азербејџан.