Словенија апелира до граѓаните да бидат внимателни кога патуваат во Италија поради коронавирусот

Фото: EPA-EFE/JEROME FAVRE

Министерството за надворешни работи на Словенија, преку соопштение апелира до своите граѓани да бидат многу внимателни кога патуваат во Италија поради ширењето на коронавирусот.

Како што јави дописникот на МИА од Љубљана, поради ширењето на новиот вирус во северниот дел на Италија, надлежните ги советуваа сите они кои сакаат да патуваат во соседна Италија, да се информираат дали во местото кое сакаат да го посетат има заразени со коронавирусот.

– Ситуацијата со заразени лица брзо се менува, така што пред да патувате информирајте се каква е моменталната ситуација во местото каде што сакате да престојувате, се наведува во соопштението на словенечкото Министерство за надворешни работи.

Според надлежните, особено внимателни треба да бидат и они кои се враќаат од Италија во Словенија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот