Словенците ги задржаа шансите за полуфинале по победата над Португалија
Ракометарите на Словенија беа подобри од пријатното изненадување на Европското првенство, Португалија.
Словенија со 29:24 ја совлада Португалија и ја оправда улогата на фаворит во овој натпревар. Иако Португалците на полувремето имаа минимална предност (14:15), во вториот дел ракометарите на Словенија успеаја со одлична игра во одбраната да го запрат противникот, пред се Андре Гомеш, и да дојдат до предност која не ја испуштија до крајот.
Блаж Јанц со седум гола, Јуре Доленец и Блаж Мачковшек дадоа по шест гола, додека кај Португалија покрај Андре Гомеш и неговите шест гола, се истајна голманот Алфредо Квинтана со 15 одбрани.
Португалија со денешниот пораз ги загуби шансте за освојување на едно од првите две места во групата 2 кои носат пласман во полуфиналето, додека Словенија е на чекор до пласман меѓу најдобрите четири репрезентации на ЕП, до што може да стигне и со пораз во следното коло од Норвешка, доколку во корист на Словенците завршат резултатите на останатите средби во оваа група.