СЛОБОДЕН УДАР: Политиката го уби рокенролот

Еј, генерацијо! – подвикна Звонимир Ѓукиќ – Ѓуле од сцената и го впери прстот во еден средовечен маж во публиката.

– Гледам дека си остарел, а си останал и без коса. Дали сѐ уште се шишаш или сега користиш гумичка за бришење?! – го зезаше Ѓуле додека остатокот од публиката паѓаше од смеење.

Потоа испеа неколку песни, па повторно направи пауза за интеракција со фановите.

– Ајде сега, нека кренат рака сите мажи што се дојдени без своите жени. А, сега нека кренат рака сите жени што се дојдени без своите мажи. Ајде сега, сите што кренавте рака, изберете си партнер и смувајте го до крајот на вечерта – расположен беше фронтменот на „Ван Гог“.

Прочитајте и...  Ајде, Филипче, зарази се веќе еднаш!

Повторно испеа неколку песни, па уште еднаш го грабна микрофонот за да направи нова шега.

Но тој очигледно не знаеше дека неговата најнова зафрканција ќе го смени целиот тек на концертот, во негативна смисла. Тој најверојатно заборавил дека и нашата земја е поприлично „сељачка“, како и неговата, а и дека публиката на скопскиот „Пивофест“ не е секогаш онаа рокерска и „баш ме брига за политика“ раја на која тој навикнал.

Веројатно требало некој претходно да го предупреди дека неговиот настап ќе се одржи пред луѓе од буквално сите категории: од оние малкумина што дошле да се напијат пивце и да чујат добар рокенрол, па сè до оние многумина што дошле само затоа што е бесплатно и затоа што слушнале дека ќе настапи некаков уметник што си го откинал увото поради некоја проститутка.

Прочитајте и...  Зошто Мицкоски е на иста линија со инфодемијата?

– Ајмо Македонијо! Ајмо Северна! – проговори за момент Ѓуле, а дваесетина луѓе од публиката веднаш удрија по него со свирежи и со сочни пцости. Се накострешија, кутрите. Како мачки нападнати од кучиња, си го извиткаа телото, ги кренаа опашките и ги покажаа забите. Не престануваа да пцујат, да мавтаат со рацете и да скандираат новокомпонирани политички пароли.

А овој не знаеше што се случува. Неколку секунди стоеше здрвен на сцената и не можеше да сфати зошто наместо смеа и ракоплескање од публиката, неговата шега предизвика негодување и хаос. Потоа, некако се прибра и продолжи со пеење, но, за жал, концертот повеќе не беше ист. Буквално на секоја пауза помеѓу две исвирени песни, тврдокорните не запираа со навредите и со заканите. Еден средовечен маж дури се обиде да се качи на бината, веројатно сакајќи и физички да се пресмета со Ѓуле, ама, за среќа, обезбедувањето брзо реагираше и не дозволи да се случи поголем инцидент.

Прочитајте и...  Сезнајковци од сите маала, обединете се!

Како и да е, атмосферата на концертот тргна во надолна линија, па завршниот дел од репертоарот беше исвирен онака, рутински и без ќеф.

Навистина сме северни говеда!

Прочитај повеќе

Денко Малески или Стојан Новаковиќ?

Агрон Биба

Сезнајковци од сите маала, обединете се!

Слободен печат

Ајде, Филипче, зарази се веќе еднаш!

Сашо Орданоски

Зошто Мицкоски е на иста линија со инфодемијата?

Џабир Дерала

Фолирањето во информирањето на пензионерите

Мендо Димовски

Со бојкотот или врз него?

Сашо Орданоски

Остави Коментар

Прочитај повеќе

Ќе не изолираат како „Карантин држава“

Богатите, сиромашните и ковид-19

Бранимир Јовановиќ

Европа и просперитет, или повторно празна конзерва

Ненад Јовановиќ

Доста трпиме!

Писма од Лондон: Советникот

Слободен печат

Меур од незнаење и простотилак

Мирослав Грчев