„Слободен печат“ продолжува да ги „лови“ уништените клупи и тротоари низ Скопје. Со цел да ги поттикнеме локалните власти да се фатат за работа, и да го дотераат Скопје, како што личи за една метропола, се упативме на неколку локации. Еве што затекнавме.

Го прашавме таткото на Градот, Петре Шилегов, зошто се забележува отсуство на службите за одржување на јавните површини.

– Може да има определени места каде што состојбата на јавниот простор не е во онаква кондиција, во каква што веројатно би требало да биде. Меѓутоа, ние и да сакаме, не можеме да стигнеме насекаде да вршиме контрола. Не се тоа состојби кои се случиле во последнава една или две години, туку од порано. Мора да се направи систем со кој ќе се одржуваат јавните простори – нѝ одговори Шилегов.

И после три години поминати од Шарената револуција, на објектот на Уставен суд се уште се забележуваат траги од боите. Од судот вчера во допис за „Слободен печат“ информираа дека наскоро ќе биде отстранета бојата.

„Во однос на оштетениот влез, во тек сме на преговори за негово чистење од нанесената боја“, велат од Судот.