СЛОБОДЕН ПЕЧАТ пресмета колку чини една матурска: ОД СУМАТА ЌЕ ВИ СЕ СВРТИ

Facebook

Во тек се прославите на матурските и полуматурските. Матурската вечер е важен настан во животот на секоја млада личност, со што се обележува преминот во еден нов, позрел период и постепено влегување во светот на возрасните.

Но понекогаш овој настан за родителот е ноќна мора. Сакајќи нивните деца да не се двојат од останатите, многумина се принудени да подигнуваат и кредити и да се задолжуваат кај роднини и пријатели за да организираат „прописна“ матура.

Цената за матурската вечер зависи од цената на фустанот, костумот, на останатите додатоци на фризурата и шминката, од изборот на ресторан, бројот на гости, изборот на фотограф.
Еве приближно колку пари ќе треба да потрошат родителите за матурската вечер на своите деца.

Цените на фустани за „вечерта од соништата“ се различни во зависност од материјалот, должината, дизајнерот…
Според некои пресметки, ако девојките се определат за најевтината варијанта, ќе мора да одвојат околу 100 евра, додека за најскапите комбинации ќе им бидат потребни неверојатни 900-1000 евра.
Секако со фустанот или со оделото треба да има и соодветни обувки. И тука цените се движат околу 50 до 250 евра.

Студијата за фризури и шминки со своите најразлични комбинации ги ставаат на уште поголеми маки родителите на матурантите и полуматурантите. Еве што нудат некои од нив:
Професионална шминка + фризура – 2.500 ден.
Фризура + шминка + трепки – 2.500 ден.
Фризура + шминка + трепки + наливни нокти – 3.000 ден.
Фризура + шминка + гел на природни нокти – 2.500 ден.
Едночасовна фотосесија за матуранти на локација по избор – 3.100 ден.
Пакет за фотографирање на матурска прослава (професионална фотосесија на славеникот на неколку локации + професионална шминка + обработка на фотографиите + DVD) – 5.000 ден.

Исто така сите сакаат матурската на нивното дете да биде прославена во некој поелитен ресторан кој е на добар глас, па и тука ќе отидат уште неколку стотини евра.

Според груби пресметки, можеме да кажеме дека една средна матурска вечер би чинела енормни 2.000 евра. А колку би чинела поскапа матура?

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот