„Слободен печат“ неколку дена по ред е цел на континуирани и добро организирани напади
Почитувани читатели на „Слободен печат“, ве известуваме дека во последните неколку дена (почнувајќи од четвртокот) нашата веб страница е цел на константни и добро организирани напади кои се насочени кон нашиот централен сервер со седиште во Франција. На серверот се наоѓа исклучиво веб сајтот на Слободен печат, поради што немаме дилеми дека нападите се директно насочени кон нас.
Слободен печат и досега се соочувал со разни напади кои се карактеризирале како „редовни“ и кои траеле еден ден, но овие напади се најсилните досега и се во континуитет. Според анализата на експертите кои го одржуваат нашиот главен сервер во Франција, станува збор за добро организирани и платени напади кои се регистрирани, односно доаѓаат од сервери лоцирани во две азиски и една европска држава. Нарачателите на нападите засега не ни се познати.
Експертскиот тим на Слободен печат прави максимални напори да ги оневозможи овие напади и се надеваме дека ќе ги надминеме во најскоро можно време.
Им се извинуваме на нашите читатели за сите потешкотии со кои се соочуваат во обидот да ги прочитаат содржините на Слободен печат. Ние и понатаму ве инфомираме редовно за сите новости и актуелности.
Со почит,
Ана Анастасовска, одговорен уредник на веб сајтот Слободен печат.