„Слободен печат“ вчера објави дека познатата и култна фонтана во Градскиот парк, позната како „Лотосов цвет“ е во многу лоша состојба, а тоа го покажуваа и фотографиите кои ги објавивме.

Веднаш по нашата објава, денеска забележавме дека градските власти го вклучиле алармот. Екипа на „Слободен печат“ забележа како работници од јавните претпријатија ја чистат фонтаната. Иако ни се заканија дека не смееме да ги фотографираме и објавуваме, ние, сепак, одлучивме да ја објавиме нивната акција, бидејќи фонтаната е на јавна површина и бидејќи сакаме да ја пофалиме нивната ажурност.

Се надеваме дека ќе ги поттикнеме градските власти да го средат и просторот околу фонтаната кој е во очајна состојба. Сепак, фонтаната „Лотосов цвет“ се уште е збирно место за време на летните седенки.