„Бомбата“ што пукна во Будимпешта, а се однесува на пратеникот Павле Богоевски е всушност тонска снимка од телефонски разговор што се водел во такси возило во Скопје, неофицијално дознава „Слободен печат“.

Разговорот се случил пред три или четири месеци, а со телефонот го снимил тајно и спротивно на законот таксистот кој го возел Богоевски додека тој зборувал на телефон. Поради тоа и во разговорот се слуша само гласот на Богоевски, а не и на соговорникот.

Иако оваа снимка постоела повеќе месеци, беше објавена вчера кога пратеникот, кој е и претседател на собраниската Комисијата за мандатно-имунитетни прашања, најави дека ќе ја почне постапката за одземање на пратеничкиот мандат на Никола Груевски, поради тоа што од собраниската работа е неоправдано отсутен шест месеци, што се толкува и како политичка порака.

Инаку Богоевски на Фејсбук објасни за што се водел снимениот разговорот.