Следува заладување: Утре облачно и нестабилно време со поројни дождови
Како што информираат од Управата за хидрометеоролошки работи, утре не очекува заладување, односн ооблачно време проследено со поројни дождови и грмежи.
Се очекува и појава на брзо истекување од горните кон долните сливни подрачја и локални плавења покрај помалите водотеци и суводолици.
Доколку се јават интензивни врнежи, во градските населби каде не се одржува редовно атмосферската канализација и на места каде олуците од покривните површини директно се вклучени во фекалните канализации, поради малиот капацитет на канализационите цевки предвидени само за фекални води, можна е појава на зачепување на одредени шахти и појава на поплавување на незаштитените подрумски простории.
Кај подвозниците, каде нема соодветно одводнување или пак тоа не се одржува редовно, можна е појава на заезерување.