Како што информираат српските медиуми, првиот светски рекет донесе важна одлука кога станува збор за новите настапи. Новак Ѓоковиќ и неговата сопруга Јелена го победија коронавирусот и сега е направен план за продолжување на сезоната.

Според распоредот првиот турнир ќе биде во Вашингтон на 14 август, следуваат Мастерсот во Синсинати на 22 август, за кој е предвидено да се игра во Њујорк, потоа „УС Опен“ (31 август), турнирот во Кицбил (8 септември), мастерсите во Мадрид (13 септември) и Рим (20 септември) и „Ролан Гарос“ (27 септември).

Уште пред да биде позитивен на Ковид-19, Ѓоковиќ напомена дека најверојатно ќе ја пропушти американската турнеја, а сега се чини дека ова е повеќе од сигурно.

Судејќи според распоредот објавен на неговата веб-страница, сега е дефинитивно дека Ноле нема да игра до крајот на септември.

Имено, во календарот се наведува дека првиот следен турнир на кој ќе игра ќе биде „Ролан Гарос“. Предвидено е овој грен слем турнир да започне на 27 септември. Останува да се види дали оваа одлука е конечна и дали има простор за промени.

АТП воведе нов систем на рангирање