Мур беше еден од ретките политички набљудувачи кој ја предвиде победата на Трамп над Хилари Клинтон пред 4 години, пренесува Гардијан.

„Дали сте подготвени за победа на Трамп? Дали сте ментално подготвени Трамп повторно да ве надмудри? Дали ви е утеха сигурноста дека Трамп не може да победи?“, објави Мур на Фејсбук доцна во петокот.

Инаку, пред 4 години тој ја предвиде победата на Доналд Трамп, иако анктетите и даваа предност на администрацијата на Клинтон и до 18 проценти. Тој врз основа на испитувањата на јавно мислење во Минесота и Мичиген сфати дека актуелниот претседател има предност во однос на ривалот Џо Бајден.

Michael Moore warns that Donald Trump is on course to repeat 2016 win https://t.co/Omvo06WQVE

— The Guardian (@guardian) August 29, 2020

„Бајден само што најави дека ќе посети повеќе држави, но не и Мичиген. Дали ви звучи познато?, истакна Мур, наведувајќи дека Хилари Клинтон ја повтори истата грешја избегнувајќи одредени држави, кои потоа му дадоа поддршка на Трамп.

Тогаш тој им се обрати на гласачите, кои ги предупреди „10 недели однапред“.

„Не им оставате на демократите да се ослободат од Трамп. Вие можете да се ослободите од Трамп. Следните 67 денови мора да се будиме секој ден и да се погрижиме секој од нас да пронајде по 100 луѓе кои ќе гласаат. Дејствувајте сега!“.

Изборот на републиканскиот кандидат Доналд Трамп ќе биде најголема грешка во историјата и обичните Американци ќе се чувствуваат добро, рече режисерот претставувајќи го својот нов филм „Мајкл Мур во Трампленд“ во 2016 година.

„Трамп им ги зборува на луѓето работите кои ги болат. Поради тоа секој прегазен, заборавен, безимен пијаница кој бил дел од таканаречената средна класа го сака Трамп“, објасни Мур, кој беше заговорник за Бил Сандерс.

Најновите предупредувања на Мур доаѓаат кога Трамп на предизборниот настан во Њу Хемпшир рече дека го поддржува изборот на првата женска претседателка во САД, но ја препорача својата ќерка пред кандидатката за потпреседател на Демократската партија Камала Харис.

„Сите зборуваат ‘ја сакаме Иванка“, им рече Трамп на своите поддржувачи. “Не ги обвинувам“.

Мајкл Мур е познат американски режисер и активист. Се прослави со филмовите „Жед за насилство“ од 2002 година и „Фаренхајт 9/11“ за терористичките напади во Њујорк на 11 септември 2001 година.