Еден од најдобрите фудбалери на сите времиња, Диего Армандо Марадона со големо внимание го следи Мастерс турнирот во Рим, Италија. За денеска од 17.00 часот е закажано големото финале, борбата за титулата помеѓу Новак Ѓоковиќ (Србија) и Диего Шварцман (Аргентина).

Марадона отсекогаш бил голем љубител на тенисот, воодушевен е од игрите на неговиот имењак и сонародник Диего Шварцман, и ќе навива за него во завршната битка против Ѓоковиќ.

Шварцман во полуфиналето го елиминираше Денис Шаповалов во три сета, а еве како реагираше славниот аргентински фудбалер на Инстаграм:

View this post on Instagram

Felicidades Peque @DieSchwartzman!!! Vos jugás con una red de volley y, así y todo, estás en la final. Para mí, ya sos campeón ??

A post shared by Diego Maradona (@maradona) on Sep 20, 2020 at 2:03pm PDT

– Честитки Диего! Мрежата за тебе е како во одбојката, но без оглед на тоа, ти си во финалето. За мене веќе си шампион – напиша Марадона.

Марадона некогаш говореше дека е голем фан на Ѓоковиќ и дека го обожава Србинот, но подоцна негов миленик стана Рожер Федерер. За Швајцарецот вели дека е „тениски господин“, дека е убедливо најдобар и дека другите за него не постојат.