Славески: Пендаровски и Мицкоски не биле лути противници, само немале соработка
Професорот Трајко Славески кој е член на Извршниот комитет на ВМРО-ДПМНЕ ја коментираше најавената средба на претседателот Стево Пендаровски и лидерот на ВМРО-ДПМНЕ Христијан Мицкоски.
-Не би рекол дека биле лути противници Пендаровски и Мицкоски. Најверојатно немаше соработка. 27 април 2017 година не е единствен мотив за инстантното прифање за средба. Ние имаме парламентарен систем и претседателот има релативно ограничени ингеренции. Македонија е длабоко поларизирана држава, општество. Нетрпението помеѓу Македонците кои што со години ескалира е безбедносно прашање. А безбедносните прашања по дефиница се под надлежност на претседателот. Ставот на ВМРО-ДПМНЕ за осудените за настаните од 27 април е познат. Не наоѓаме причини тие да бидат осудени како терористи, изјави во Утрински брифинг проф. д-р Трајко Славески и додава дека средбата помеѓу Пендаровски и Мицковски е охрабрувачки потег од кој што ќе има реални и видиливи ефекти во намалување на поларизацијата во македонското општество.