Владата одлучи да се гради нова поликлиника во општина Бутел. Ние сме единствена општина што нема поликлиника. Амбулантата изградена во 1964 година не е доволен сервис за потребите на општината. Секоја година се зголемува бројот на жителите, рече во линковско јавување во „Скопски агол“ на „Слободна ТВ“, Велимир Смилевски, градоначалникот на општина Бутел.

-Поликлиниката во целост ќе биде сервисирана од владата и се надевам дека за брзо време почнуваме со градбата како значен фактор за жителите на Бутел. Се надевам дека брзо ќе се изгради, средствата ги имаме. Во меѓувреме со Министерствот за здравство разговараме за опциите каде додека се гради поиклиниката би се лекувале и прегледувале граѓаните- рече Велимир Смилевски, градоначалникот на општина Бутел.