Скопје утре повторно ќе биде блокирано
ВМРО-ДПМНЕ денеска одржа протест со блокада на Владата и Министерството за надворешни работи. Тие за утре најавуват нови блокади и протести во 15 градови.
-Нема да дозволиме понижување и распродажба на државните и национални интереси, и токму затоа сите заедно сплотени, во масовен број ќе испратиме порака дека Зоран Заев и СДСМ мора да заминат час побрзо бидејќи на Македонија и донесоа само порази и неуспеси- велат оттаму.
ВМРО-ДПМНЕ ги повикува граѓаните утре (02.12.2020) во 15:00 часот да се прикличат на блокадите пред Владата на Република Македонија и Министерството за надворешни работи, а протести ќе се оддржат и во 15 градови ширум државата, со почеток од 18:00 часот.
-Време е граѓаните на Куманово, Македонска Каменица, Пробиштип, Делчево, Пехчево, Берово, Виница, Радовиш, Валандово, Дојран, Велес, Кавадарци, Прилеп, Битола и Охрид да се обединат против злото наречено Зоран Заев и СДСМ. Протест сега, за да не биде предоцна! Оставка на Заев, слобода на народот, велат од ВМРО-ДПМНЕ.
Опозициската ВМРО-ДПМНЕ денеска под мотото: „Оставка на Заев, слобода на народот. Протест сега за да не биде предоцна”, одржа протест со блокада на Владата и Министерството за надворешни работи, на кој побара оставка од премиерот Зоран Заев поради како што наведуваат, тајните преговори со Софија за деблокада на пристапните преговори со ЕУ.
ВМРО-ДПМНЕ на протест пред Влада и МНР побара оставка од премиерот Заев