Скопје одново: Интернационализам, уметност, солидарност

Со почеток во 20 часот, поставката ќе биде отворена за сите посетители, кои ќе можат да погледнат преку 100 дела од меѓународната колекција на музејот со посебен фокус на американските уметници.

„Вечерва во Скопје отвораме изложба која е специфична по повеќе основи. Овој пат имаме гостин куратор, а изложбата е подготвена од мешан кураторски тим, односно кураторката Ана Кац од њујоршка МоМА и Кумјана Новакова од МСУ Скопје. За првпат изложуваме некои дела од колекцијата, бидејќи кураторките со поставката даваат ново читање на познати, но и помалку познати дела од нашата вредна колекција, а овој пат и преку изложување на документи и друг архивски материјал дадена е интегрирана информација за почетоците, за големиот ентузијазам во основачките години на музејот. Американската амбасада препозна вреден проект во „Скопје, одново“ за што сме им многу благодарни, нивната помош беше голема и искрена и нѐ охрабрува да размислуваме за нејзино претставување и надвор од нашата држава. Оваа изложба беше најавена и во списанието „Арт Форум“, а работиме на тоа да ја претставиме и пред американската публика“ вели Мира Гаќина, директор на МСУ Скопје.

Прочитајте и...  Молеровиќ: Ја живееме четвртата дигитална револуција – не смееме да дозволиме да им ја крадеме иднината на нашите деца (ВИДЕО)
Александер Калдер

Изложбата е резултат на соработката помеѓу МСУ – Скопје и Амбасадата на САД во Скопје.

Изложени се повеќе од 100 дела и архива поврзана со процесот на креирање на колекцијата и кореспонденцијата со авторите на делата. Така, за првпат, МСУ – Скопје ќе изложи дел од личната кореспонденција со автори како: Александер Калдер, Џаспер Џонс, Шила Хикс, Алекс Кац, Јон Григореску, Сол ЛеВит, Вифредо Лам, Мина Ситрон, Џеф Расел, Бриџит Рајли…

„Скопје, одново“ ја обработува најголемата меѓународна акција на солидарност во уметноста организирана во октомври 1963 од Меѓународната асоцијација на пластични уметности, паралелно со глобалната кампања за реконструкција на градот Скопје, после земјотресот. Со подароците од автори од цел свет, МСУ – Скопје станува дом на единствена и исклучителна колекција на современа уметност во земјава. Најголем дел од делата ги потпишуваат водечки уметници на глобалната современа сцена во двете децении после земјотресот, што води и до основањето на МСУ во 1964 година. Полската влада во тоа време финансира тим на прогресивни млади архитекти, кои во 1970 година го градат објектот, кој денес е постојан дом за музејот.

Прочитајте и...  Трагедија во Србија: Двајца браќа починаа од коронавирус на 26 и 35 години
Алан Д Арканѓело

Во таква една атмосфера на транснационална соработка и ентузијазам, преставена во извештајот на ООН од 1966 година под наслов „Скопје воскреснува“ (Skopje, Resurgent), МСУ развива и разновидна програма на изложби, меѓународни соработки и партнерства. „Скопје, одново“ ќе изложи и дел од архивскиот материјал кој сведочи за оваа важна позиција на МСУ – Скопје во тоа време. Со поттикнување на исклучителна отвореност и колаборативно работење, колекцијата и програмата на МСУ Скопје во 60тите, 70тите и 80тите сведочи за едно радикално космополитско, транснационално наследство на социјалистичка југоисточна Европа.

Поставката во Скопје ќе биде отворена се до 18 февруари следната година.

Прочитај повеќе

Поведена постапка за убиство на женско лице кое беше пронајдено во атар на Горно Оризари

Слободен печат

Руското МНР: Одлуката за Аја Софија е внатрешна работа на Турција

Слободен печат

Српскиот доктор со загрижувачки информации: Млади пациенти умираат во рок од 24 до 48 часа

Слободен печат

Француски епидемиолог предупредува: Би бил изненаден ако имаме ефикасна вакцина пред 2022 година

Слободен печат

Гласањето на болните од Ковид-19 досега без проблеми, рече Филипче

Слободен печат

Шпан: Борбата против коронавирусот е тимска игра

Слободен печат

Остави Коментар

Прочитај повеќе

Ново германско истражување не дава надеж: Влијанието на вакцина против коронавирус е доведено во прашање

Слободен печат

Град Скопје: Остануваат средства за околу 4.000 апликации за субвенции за инвертери

Слободен печат

Путин: Постои само една шанса за спас – мерките мора да бидат национален проект

Слободен печат

Филипче: Капацитетот во болниците се менаџира добро, продолжува работата на епидемиолозите на терен

Слободен печат

„Зелена лупа” поднесе иницијатива за одговорност на тројца судии од Апелацискиот суд

Слободен печат

Конте ја одби понудата на „Атлантија“ за управување со патиштата

Слободен печат