Скопје и Софија заеднички ќе претседаваат со Берлинскиот процес

Во Познањ денеска во рамки на самитот на земјите од Западен Балкан ќе биде одржан централниот настан – состанокот на шефовите на држави или влади на кој треба да биде објавено идното заедничко претседавање на Северна Македонија и Бугарија со Берлинскиот процес за поддршка на регионалната соработка и евроинтеграциите.

– На Самитот за Западен Балкан во Познањ, на заедничка прес-конференција на премиерот Заев со премиерот на Полска Матеуш Моравјецки, со канцеларката на СР Германија Ангела Меркел, и со претседателот на Владата на Бугарија Бојко Борисов, кој ќе се одржи во 15 часот, ќе биде објавено дека Република Северна Македонија и Република Бугарија заеднички ќе претседаваат со Берлинскиот процес во наредните 12 месеци. Претседавањето на Северна Македонија и Бугарија ќе финализира во јули 2020 година со годишниот самит кој заеднички ќе биде организиран во Софија и Скопје, информираат од владината прес-служба.

Прочитајте и...  Паниката позаразна од коронавирусот

Потенцираат дека од почетокот на оваа иницијатива, прв пат се случува една земја членка од Западен Балкан, кандидат за членство во ЕУ, како што е Северна Македонија, да копретседава со Берлинскиот процес и заедно со Бугарија, земја членка, да ги организира и координира проектите за поддршка на регионалната соработка и евроинтеграциите на Западен Балкан.

Програмата за шефови на држави и влади на Самитот за Западен Балкан денеска почнува со официјалниот пречек од полскиот премиер Матеуш Моравјецки на шефовите на делегациите на земјите од Западен Балкан, како и канцеларката Ангела Меркел и членовите на владината делегација на СР Германија која е покровител на иницијативата Берлински процес.

На централната пленарна сесија на самитот, гостите од регионот ќе ги поздрави и претседателот на Полска Анджеј Дуда.

Прочитајте и...  Општина Кисела Вода бесплатно ќе собира кабаст отпад

Премиерот Заев ќе учествува во сите работни сесии на Самитот и ќе има обраќања на работниот ручек, како и на пленарната сесија.

Агендата на Самитот на Берлински процес во Познањ е заснована на политичката и економската димензија. Главни области на соработка се транспортното и енергетското поврзување на Регионот, економската интеграција, бизнис секторот, соработката меѓу младите, третманот на билатералните и други отворени политички прашања од минатото на Регионот, но и глобални безбедносни и миграциски предизвици.

Прочитај повеќе

Загина уште еден турски војник, а двајца се ранети на северозападот на Сирија

Слободен печат

Виена: Тинејџер 30 пати со нож ја прободел поранешната девојка, лекарите се борат за нејзиниот живот

Слободен печат

Министрите за здравство на земјите од ЕУ на состанок во Брисел за коронавирусот

Слободен печат

Американски Апелациски суд ја блокира програмата на Трамп за мигрантите

Слободен печат

Заев му подари на Мицкоски значка со НАТО, Мицкоски нему празен „Луј Витон“ паричник

Слободен печат

Заев откри дека ќе биде носител на изборната листа во четворката

Слободен печат

Остави Коментар

Прочитај повеќе

Долгови или инвестиции, што дебатираа Заев и Мицкоски за економијата

Слободен печат

Трамп потврди: Ќе потпишеме договор со талибанците во Авганистан

Слободен печат

Заев ги покажа договорите од Мицкоски како директор на ЕЛЕМ: Иста услуга еднаш 1,6 милиони, после 8 милиони евра

Слободен печат

Судир на автобус и воз во Пакистан, најмалку 14 загинати

МИА Агенција

Падна хеликоптер во Русија, се верува дека има загинати

Слободен печат

Мицкоски ги отфрли обвинувањата дека лобирал Македонија да не добие датум за преговори со ЕУ

Слободен печат