Скопјанец обвинет за незаконска продажба на дрога
Тој е обвинет од ОЈО за неовластено производство и пуштање во промет наркотични дроги, психотропни супстанции и прекурсори.
По спроведена истражна постапка, Основното јавно обвинителство Скопје денеска до Кривичниот суд поднесе обвинителен акт против едно лице кое е обвинето за неовластено производство и пуштање во промет наркотични дроги, психотропни супстанции и прекурсори.
„На 2 март, на автобуска станица во населбата Хиподром, обвинетиот 26-годишник во рацете носел две најлонски ќеси со марихуана и една дигитална вага, која веднаш му била одеземена од полициски службеници. Подоцна во неговиот автомобил, паркиран во неговиот двор, биле пронајдени три најлонски ќеси и една сина кутија со марихуана, како и еден шприц со хашиш масло.
При претрес на домот на обвинетиот во селото Булачани, пак, било утврдено дека тој неовластено произведувал марихуана, за што набавил опрема и инсталирал лабораторија за одгледување. Притоа биле пронајдени и 69 саксии со засаден канабис, како и метална кутија со шест полиетиленски паковки марихуана“, објави ОЈО.