Скопјанец дома чувал арсенал оружје
Јавен обвинител од Основното јавно обвинителство во Скопје поднесе обвинителен акт против едно лице кое е обвинет за кривично дело недозволено изработување, држење, посредување и тргување со оружје или распрскувачки материи.
„Обвинетиот, 65-годишен жител на село Марино, во својот дом неовластено држел полуавтоматски пиштол „црвена застава мод.70“ со калибар од 7,65 милиметри со два шаржери, десет куршуми со калибар 7,65мм, ловна пушка „црвена застава“ со калибар 12 милиметри, полуавтоматски пиштол „Црвена застава м57“ со калибар 7,62 Х 25 милиметри, 18 куршуми муниција за тој пиштол, 89 ловни патрони, како и пневматска пушка без ознака и дијаболи“ извести ОЈО.
За него обвинителството од судот побара да му биде одреден куќен притвор.