Скопјанец застрелан во викендичка во Кучково

Кучково / фото:Ehrlich91/Википедија

Жител на Скопје бил погоден од истрел од огнено оружје пред неговата викендичка во селото Кучково, соопшти полицијата.

На 22.10.2021 во 00.06 часот во СВР Скопје, од Ургентен центар при Комплекс клиники „Мајка Тереза” било пријавено дека кај нив со повреди во ногата од огнено оружје бил донесен Б.И.(27) од Скопје. Според пријавеното, Б.И. отишол во својата викенд куќа во с.Кучково со Б.Л. и откако излегол од возилото бил погоден од огнено оружје од страна на непознато лице, пишува во полицискиот билтен.

За настанот бил известен Јавен обвинител и се преземаат мерки за расчистување на случајот, додаваат од полицијата.

Видео на денот