Скопјанец украл автомобил и направил сообраќајка па го напуштил местото

Македонска полиција/ Фото: МИА

Вчера во 14.30 часот на улица „Пролет“ во Скопје, полициски службеници од полициската станица Кисела Вода го лишиле од слобода Б.Д.(46) од Скопје, поради сомнение дека на 11.10.2021 од бул.„Борис Трајковски“ одзел патничко возило „хјундаи“, со скопски регистарски ознаки, сопственост на Т.Н. од Скопје, со кое подоцна во с.Ново село, скопско, удрил во возило „цитроен берлинго“, сопственост на К.М. од Скопје и го напуштил местото, информираат од МВР.

Тој бил приведен во полициска станица и по целосно документирање на случајот против него ќе биде поднесена пријава.

Извор: МИА

Видео на денот