Обвинителството поведе постапка против 36-годишен скопјанец, кој е осомничен за семејно насилство. Тој, според ОЈО, почнал да вика и да им се заканува на сопругата и на нивните две малолетни деца на возраст од 6 и 4 години, со намера да ги заплаши. Кога жената побарала да престане, тој ја фатил за раката и ја турнал, по што кршел низ домот.

„Потоа осомничениот започнал да ја крши покуќнината и со клуб маса замавнал кон мајката на сопругата, која исто така телесно ја повредил на ногата и во градниот кош. Се заканувал дека сите ќе ги убие, па и дека ќе го задави сопственото дете, при што во еден момент извадил и нож со кој замавнувал, предизвикувајќи чувство на загрозеност, несигурност и страв кај оштетените. Сопругата на 36-годишникот во еден момент успеала телефонски да ги повика своите брат и татко, а кога пристигнале, осомничениот продолжил и ним да им се заканува со нож. Потоа од дворот го пуштил и своето куче од расата „шарпланинец“ кое гризнало еден од оштетените на надлактицата и на потколеницата., соопштија од обвинителството.

Осомничениот ќе одговара за кривичните дела: телесна повреда, загрозување на сигурноста и предизвикување општа опасност. Обвинителството бара притвор.

Скопјанец со мотор излетал од патот кај Козјак, со тешки повреди е пренесен на Клиника