3 C
Скопје

Склучен договор за извоз: Македонски прехранбени производи на рафтовите на еден од водечките синџири на маркети во Катар

Македонската амбасадорка во Катар, Елма Алторок и директорот на еден од водечките катарски синџири на супермаркети „ЛуЛу Хипермакрект Катар”,  Мохамед Алтаф вчера во Доха потпиша Меморандум за разбирање за унапредување на деловната соработка при увоз на земјоделски продукти, месо и месни производи, ајвар и сирење од Северна Македонија во оваа држава во Персискиот Залив.

Како што објави весникот „Галф Тајмс”, со Меморандумот, нашата Амбасада во Доха се обврзува да овозможи воспоставување трговски врски помеѓу „ЛуЛу” и потенцијални добавувачи на овие производи од земјава.

Во обраќањето по церемонијата на потпишување на Меморандумот, амбасадорката Алторок изрази задоволство од постигнатиот договор за промоција на македонски прехранбени производи во Катар, преку супермаркетите на „ЛуЛу”.

Прочитајте и...  265 санкционирани возачи во Скопје, 31 за возење без возачка дозвола

– Иницијативата има за цел да промовира и презентира широк спектар на традиционални стоки „Произведени во Северна Македонија”, истовремено раскажувајќи ја уникатната приказна за извонредната македонска кујна и храна. Веруваме дека ова е почеток на голема успешна приказна што ќе ни помогне да ја подигнеме свеста и почитта на локалниот пазар кон храната од Северна Македонија, нагласи Алторок.

Првиот човек на „ЛуЛу”, Алтаф изјави дека ова претставува прва можност за увоз на производи од Северна Македонија во Катар и нагласи дека неговата компанија е среќна што ќе може да промовира продукти од македонско потекло во оваа земја.

– Со задоволство ќе додадеме производи по потекло од Северна Македонија на нашите полици. Овој Меморандум за разбирање е само почеток. Ќе истражуваме се повеќе и повеќе линии на производи. Заедно ќе ги прошириме асортиманот и мислам дека ова ќе биде огромен поттик за Северна Македонија, „ЛуЛу” и за Катар во однос на увозот, изјави Алтаф.

Прочитајте и...  Имери: Бојкотот на наставата е на штета на матурантите

Согласно договoреното, првите македонски производи што ќе се најдат на пазарот во Катар ќе бидат овошје и зеленчук, месо и месни преработки, пред сè, јагнешко, како и ајвар, сирење и здрава храна.

Според Алтаф, овие „уникатни производи” имаат за цел да ја презентираат македонската историја и наследство во Катар.

– Поради нивната уникатност и вредност, тие ја претвораат традицијата во луксуз. Имаме намера на нашите партнери и клиенти да им понудиме разни видови врвни производи од Северна Македонија. Што е најважно, овој договор ќе обезбеди основа за поголема економска соработка меѓу нашите деловни сектори и дополнително ќе ги подобри веќе одличните односи и пријателство што постојат меѓу нашите земји на сите нивоа, додаде Алтаф.

Прочитајте и...  ММФ: Стимулациите на Бајден можат да го зголемат БДП на САД за пет отсто за три години

Поврзани вести

Средба на Заев со Сахакјан од УНДП: Заложби за унапредување на соработката низ проекти за побрз и одржлив развој на економијата

Слободен печат

Шилегов: Ништо не се работи на самото езеро Треска, туку во неговата околина

Слободен печат

Спектакуларно откритие на ЦИА: Руски научници правеле експерименти со екстрасензорни перцепции

Слободен печат

МАН: Собранието да ги избере новите членови во Советите на МРТВ и на АВМУ преку постоечкиот закон

Слободен печат

Германскиот министер за економија: Германија очекува економско ниво како пред кризата до средината на 2022 година

Слободен печат

Град Скопје и УКИМ ќе основаат Фондација „Развоен институт Скопје“

Слободен печат

Остави Коментар