СКАПО ОТРЕЗНУВАЊЕ: Шеици милијардери не сакале да платат сметка во дискотека
Пред неколку дена во Дубровник стигнала една од најголемите и најлуксузни јахти на светот. Станува збор за јахтата „Yas“, долга 141 метар, која е во сопственост на шеикот Хамдан бин Зајед бин Султана Ал Нахјана, емир на Обединетите Арапски Емирати.
Истата вечер друштвото од јахтата одлучило да го запознае ноќниот живот во Дубровник, па се упатиле во популарната дискотека „Culture Club Revelin“.
Како што дознава Дубровнички дневник, таму ги честеле хостесите со скапо шампањско, испиле многу алкохол, а кога дошла сметката од 50 илјади евра не сакале да ја платат. Поточно, сакале да го платат само делот од сметката што се однесувал на нивните пијалаци, а делот за шампањското со кое ги честеле хостесите не сакале да го платат.
Полицијата на крај привела еден од нив и едно женско лице, кои по отрезнувањето ја платиле сметката.